يوميًا بيتم ضبط آلاف من قضايا سرقة التيار الكهربائي، سواء من خلال موظفي شركة الكهرباء اللي معاهم حق الضبطية القضائية، أو من خلال مباحث شرطة الكهرباء، رغم الجهود المبذولة لضبط سرقات التيار إلا أن حجم سرقة التيار كبير جدًا.
ملايين المحاضر سنويًا احذر سرقة التيار الكهربائي
من يومين مصادر بوزارة الكهرباء، أعلنت أنها تحصلت على 520 مليون جنيه، من سرقات التيار في 5 محافظات بالصعيد بس، وده خلال 9 شهور.
التقرير اتكلم عن أكتر من نص مليار جنيه متحصلات من يوليو 2023 لحد مارس 2024 في 5 محافظات، الرقم الكبير ده يخص شركة مصر الوسطى لتوزيع الكهرباء، يعني نتائج ضبطيات في شركة واحدة بس من شركات توزيع الكهرباء الـ 9 على مستوى الجمهورية.
في تصريحات سابقة وزير الكهرباء محمد شاكر وصف جرائم سرقة التيار الكهربائي بـ "الخراب"، لأن حجمها كبير جدا، وأكد على الجهود المبذولة من السلطات القضائية والشرطة لمواجهة الظاهرة دي من الأرقام الصادمة بردوا إنه في سنة 2021 شركات توزيع الكهرباء وشرطة الكهرباء حررت 6 مليون 723 ألف محضر بقيمة 4 مليارات و 300 مليون جنيه خلال 5 شهور بس.
تابع أحدث الأخبار عبر
