شقق الاسكان المتميز واحدة من الخدمات اللي بتقدمها وزارة الإسكان للمواطنين واللي بيكون عليها اقبال كبير جدا بسبب الارتفاع الكبير في اسعار الشقق السكنية واللي طبعا بتكون كاش واقل شقة حاليا سعرها بيعدي المليون جنيه.. يا تري اية الجديد في شقق الاسكان المتميز .. واسعار الشقة بتوصل لكام
الفترة الاخيرة اسعار كل حاجة في مصر زادت وبطريقة كبيرة جدا، خصوصا العقارات واللي سعرها اضربت في 6 و 7 مرات لسعرها الحقيقي وسعر الشقة اللي كان من كام سنة ما يكملش الـ 200 الف جنيها حاليا داخل علي الـ2 مليون جنيه.. وجنون اسعار العقارات ده خلي مفيش اي اقبال علي شراء الشقق الا لفئات معينة من المجتمع المصري واللي هيا معاهم فلوس.
غلو اسعار الشقق السكنية خلي في اقبال كبير من الناس علي الشقق اللي بتطرحها وزارة الاسكان خصوصا ان في جزء كبير من تمن الشقة المواطن بيدفعه علي اقساط سواء 3 او 5 او 7 سنين وفقا للفلوس اللي موجودة معاه ده طبعا غير المقدم اللي الوزارة بتحدده واللي بيختلف وفقا لاختلاف نوع الطرح السكني سوءا اسكان اجتماعي او اسكان متميز او اراضي.
حاليا كل الناس بيكون عندها ترقب لاي اعلان من وزارة الأسكان بتعلن عن لطرح جديد من الشقق السكنية خصوصا ان سوق العقارات حاليا مليان حالات نصب كتيرة وفي ناس كتير كانوا ضحايا للعمليات دي، وبعد ما يشتروا الشقة يفاجئ ان عليها قضايا زي قضايا التمكين أو شقق اوراقها مش سليمة أو عليها مشاكل، وفي كل الحالات المشتري بيكون خسران وخسران بشكل كبير كمان، ومن هنا بتيجي برضوا اهمية شقق الاسكان خصوصا ان المواطن بيدفع فلوسه في مكان موثق وهو مكتب البريد علي رقم حساب وبياخذ وصل موثق بالفلوس اللي دفعها ويقدر يستردها في اي وقت وبدون اي مشاكل، وكمان بعد ما ياخذ الشقة بيدفع باقي تمنا علي اقساط يعني بيدفع تمنها بالتقسيط المريح.
طية اية الجديد في موضوع شقق الاسكان المتميز اللي الوزارة هتعلن عنه في الايام اللي جاية ؟.
حاليا وزارة الاسكان بتستعد لطرح شقق سكنية في مكان متميز جدا بيطلع علي الأهرامات مباشرة في المنطقة اللي موجود قدام حدايق الاهرام مباشرة، وهيا شقق كاملة التشطيب بمساحات بين 95 و100 متر باجمالي 74 برج، وكل برج مكون من دور أرضي و9 أدوار عليا تحت اسم واتر فاليو في مدينة حدائق أكتوبر.
وزارة الاسكان قالت أن سعر المتر في الطرح الجديد للشقق الاسكان المتميز دي بيوصل لـ 15 ألف جينه، يعني سعر الوحدة هيتجاوز الـ 1.5 مليون، ومقدم الحجز في المشروع هيوصل لـ150 ألف جنيه، وعدد الشقق اللي سيتم طرحها هيوصل لـ1000 وحدة تقريبا.
اما عن انظمة السداد فالوزارة قالت، أنه هيتم سداد 150 ألف مقدم حجز، وبعد المشتري هيستكمل نسبة الـ20% من تمن الوحدة، وبعدين هيسدد 10% من الوحدة وقت كتابة العقودوباقي تمن الوحدة واللي هيكون 70% هيتم سدادهم على أقساط ربع سنوية لمدة 3 أو 5 أو 7 سنوات .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
