تعمل ايه لو اكتشفت أن فيه حد اخترق حسابك البنكي وسحب فلوس منه في وقت البنوك إجازة زي النهارده كده وايه النصايح اللي لازم تعرفها عشان تأمن فلوسك وحسابك في البنك.. شوف الفيديو ده وهنقولك تتصرف ازاي
في أوقات كتير بيتسبب عدم حرص ووعي العملاء بالحفاظ على سرية بياناتهم المصرفية في تعرض حساباتهم لحالات اختراق من خلال الإنترنت من غرباء بما يتوجب عليه الإسراع فورا بوقف التعامل على حساباتهم من خلال خدمة الخط الساخن التابع له البنك سواء خلال إجازة البنوك أو دون إجازة والخط دع شغال 24 ساعة عشان خدمة العملاء وعشان حالات الطوارئ زي اختراق الحسابات مثلاً.
وكل البنوك بتيح خدمة الخط الساخن "كول سنتر" كوسيلة سريعة في يد العميل للإبلاغ وطلب وقف التعامل على حسابه وبعد تحقق موظف خدمة العميل من صحة المكالمة وملكية المتصل للحساب بيتم وقف الحساب فورا وتسجيل الشكوى.
وبعد تقديم العميل الشكوى هيقوم البنك بالتقصي وتتبع العملية فورا بالتعاون مع شبكات الدفع العالمية (فيزا وماستر كارد) للإطلاع عن مكان الاختراق، والتأكد من إن حالة الاختراق تمت بسبب خطأ العميل أم من خلال عصابة متخصصة في عمليات السطو.
وعشان نبقى عارفين الكول سنتر هو وسيلة لتلقي الشكاوى وتحويلها للقطاع المختص وتحليلها وتبليغ الجهات الخارجية زي فيزا أو ماستر كارد لإيقاف المعاملات وتتبعها والعمل على استرداد المبالغ قدر الإمكان وزي ما احنا عارفين بردو إن ألاعيب السطو على الحسابات المصرفية اتطةرت مع التطور الرقمي الكبير، وعشان كده البنوك بتحصن نفسها وحسابات العملاء بأفضل الأنظمة على مستوى العالم لحماية كافة بياناتها.
بانكير بيقدملك كمان نصايح لتجنب وقوع العميل فريسة للسطو على حسابه.
أولها عدم التعامل مع أي اتصالات هاتفية أو رسائل نصية تطلب من العميل بعض البيانات الشخصية من أجل تحديث حسابه أو استلام جائزة، ولا تطلب البنوك بيانات العملاء بهذه الطريقة
تاني حاجه تجنب الإفصاح عن رقم الكارت، والاسم الكامل للعميل وتاريخ إصدار وانتهاء عمل الكارت
وكمان ضروري عدم الافصاح عن آخر 3 أرقام في ظهر الكارت.
ومن النصايح تجنب إظهار الرقم السري للكارت لأي شخص
وكمان تجنب الشراء أون لاين من المواقع غير الموثقة أو المجهولة لأنها أكبر وأخطر ثغرة في اختراق حسابك البنكي بعد الاستيلاء على بياناتك البنكية كمان متردش على اي اتصالات مجهولة بتطلب منك بياناتك البنكية لأن دي الوسيلة المنتشرة دلوقتي لاختراق الحسابات البنكية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
