يا ترى ليه الدولار هو أقوى عملة فى العالم؟ وهل الموضوع اقتصاد بس ولا داخل فيه سياسة؟ وهل قوة الولايات المتحدة باعتبارها أقوى دولة فى العالم هي السبب في نفوذ وسطوة الدولار ولا فيه اسباب تانية؟ وايه المخاطر اللى بتهدد عرش الدولار حاليا ؟ وايه الخطأ اللى ممكن يقضي عليه تماما
والدولار الأمريكي هو أهم وأقوى عملة عالمية لأنه طريقة الدفع المفضلة للمعاملات الدولية أكتر من أي عملة تانية وهو عملة الاحتياط الأساسية للدول في كل أنحاء العالم سواء كانت صديقةً للولايات المتحدة أو حتى من أعدائها وعشرات الدول بتربط عطاءاتها المحلية وأدوت دينها بالعملة الأمريكية
وعشان نعرف حكاية الدور وامتى بدأت هيمنته لازم نعرف الحكاية من الأول:
هيمنة الدولار على العالم تزامنت مع صعود الولايات المتحدة كقوة عظمى عالمية في أعقاب الحرب العالمية التانية ومن وقتها ولحد دلوقتي بيعتمد المستثمرين على الدولار والأصول المقومة بيه، زي سندات الخزانة الأمريكية عشان تكون من بين أفضل سبل ادخار الثروة سواء في أوقات الرخاء أو الشدة.
وأكتر حاجة بتجذب المستثمرين للدولار هي قوة الولايات المتحدة واستقرارها اللى مش بتملك أقوى جيش وأكبر اقتصاد في العالم بس لكن كمان بتحكمها القوانين اللى بتطبق على أى حد بأكبر قدر من الشفافية وده بيوفرلها مناخ مستقر بيخلى اى مستثمر يدخل وهو عارف ان فلوسه واستثماراته مضمونة.
وبتعود هيمنة الدولار في جانب منها لضخامة الاقتصاد الأمريكي نفسه اللى حجمه قريب من إجمالي حجم اقتصادات الصين واليابان وألمانيا مجتمعين ودول أكبر اقتصادات فى العالم بعد الولايات المتحدة .. كمان من أهم قوة الدولار وارتباطه بالاقتصاد الأمريكي ان واشنطن بتضم أسواق رأس المال الأكبر والأكثر سيولة في العالم .. وأسواق الأوراق المالية في الولايات المتحدة بتفوق أى بلد تانية فى العالم
كمان امريكا بتحتضن أكثر الشركات قيمة وتقدماً على مستوى العالم وأسواق سنداتها هي الأكبر عالمياً وتضخمت سوق سندات الخزانة الأمريكية وحدها لتبلغ 27 تريليون دولار ولما بتحتاج الشركات إلى سيولة نقدية بتتجه في إلى الأسواق الأمريكية سواء كان ده لبيع الأسهم أو إصدار السندات أو الحصول على القروض.
وعلى الرغم من أن عملة الاحتياط العالمية تغيرت على مر القرون، الا ان ده عادة مش بيحصل بدون أزمة كبيرة وتحول في الهيمنة الاقتصادية، ومرور سنوات طويلة .. وفي تسعينيات القرن ال 19 بدأ الجنيه الإسترليني يفقد بريقه بعد ما تفوقت الولايات المتحدة على المملكة المتحدة باعتبارها أكبر اقتصاد في العالم. لكن الموضوع خد حوالى 50 سنة وحربين عالميتين، وأزمة مالية كاملة في بريطانيا لغاية ما اتمكن الدولار من الإطاحة بالجنيه الإسترليني وبالتقدم سريعاً لغاية دلوقتي
طب ايه أكتر حاجة بتهدد عرش الدولار؟
أكتر حاجة حاليا بتهدد عرش الدور هي استخدام الولايات المتحدة لعملتها كسلاح فى صراعاتها العسكرية والسياسية زي ما حصل مع روسيا من بعد غزو اوكرانيا وكلنا شفنا ازاى امريكا جمدت أرصدة لموسكو بمليارات الدولارات وطردتها من النظام المالى العالمي وكل ده خلا دول كتير تعيد التفكير فى هيمنة الدولار وتبدأ تدور على بدايل تانية ليه كعملة احتياط عالمية وكمان كعملة مهيمنة على المعاملات التجارية
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
