تقدر تسحب مرتبك قبل ميعاد القبض.. هنقولك تعمل ده إزاي؟
لو مزنوق ولسه بدري على ميعاد صرف المرتب.. محتاج فلوس ومش عارف تعمل ايه.. نفسك تشترى حاجة ولسه القبض قدامه كتير.. فى الفيديو ده هنقولك تعمل ايه
فيه عدد كبير من البنوك العاملة فى مصر بتتيح خدمات متعلقة بصرف الراتب مقدما أو ما يعرف باسم «السحب على المكشوف»، ودي خدمة من ضمن الخدمات اللي بتقدمها البنوك العاملة ضمن النظام المصرفي المصري للموظفين من أجل مساعدتهم على الحصول على رواتبهم قبل موعد صرفها بشكل رسمي، لتلبية احتياجات العملاء من الفلوس الكاش
وبتحط البنوك بعض الاشتراطات البسيطة للحصول على الراتب قبل صرفه رسميا من وزارة المالية للجهات المعنية، ويمكن للموظف الحصول على 90% من قيمة مرتبه من غير ما يدفع مصاريف إدارية أو رسوم للاشتراك في الخدمة.
وبيقدم البنك الأهلى المصري خدمة سحب المرتب مقدما من خلال تسهيل ائتماني جديد لعملائه اللى بيتمّ تحويل رواتبهم بشكل منتظم على البنك، بواسطة فتح حد ائتماني على البطاقات اللى لا تتجاوز حد الـ20 ألف جنيه، دون ارتباط بفتح حساب جاري لتلبية احتياجات العملاء لفترة قصيرة الأجل من غير الموظف ما يدفع أي مصاريف إدارية أو رسوم لاشتراك، مع إتاحة استخدام الراتب المقدم بشكل نقدي أو عبر المشتريات «أون لاين».
وبيقدم بنك مصر هو كمان واحدة من أهم خدماته المتعلقة بصرف الراتب مقدمًا، وبتصل أعلى قيمة للتسهيل لـ65% من الراتب الشهري، وهيصل الحد الأقصى للسحب قيمة الـ 20 ألف جنيه، وبحد أدنى 500 جنيه، ويمكن سحب أو سداد مبلغ التسهيل لأكتر من مرة في نفس الشهر بسعر عائد لن يتجاوز حد الـ1%.
وبيشترط بنك مصر على العملاء دفع مصاريف إدارية قيمتها 50 جنيه سنويًا على أن يجرى سداد المبلغ المسحوب فور تحويل الراتب الشهري ببطاقة المرتبات، وحدد البنك عدد من الشروط لتسهيل حصول العميل على الخدمة، أبرزها أن يكون الحد الأدنى للراتب 1000 جنيه للعاملين بالقطاع العام و1500 جنيه للقطاع الخاص.
ويقدم البنك التجاري الدولي CIB هو كمان خدمة سحب الراتب مقدمًا وبيصل الحد الائتماني للسحب 90% من الراتب الشهري، وبحد أقصى 150 ألف جنيه، ويمكن سحب الرصيد بشكل مباشر من قبل ماكينات الصراف الآلي ولا توجد رسوم حال الإلغاء أو السداد.
ويتراوح عائد البنك حال استخدام الخدمة منه ما بين 18.5% وحتى 23%، وبيحتسب على الرصيد القائم غير المسدد، ويمكن سداد المبلغ بأكثر من 198 فرعا أو ماكينات الـATM المنتشرة على مستوى الجمهورية.
ومن البنوك اللى بتوفر خدمة سحب المرتب مقدما بنك الإسكندرية اللى بيوفر لعملاءه إمكانية تسهيل الراتب المدفوع بشكل مقدم ويحصل الموظف على 90% من أصل الراتب اللى بيتم تحويله شهريا مع إتاحة الاطلاع على تفاصيل التسهيل المقدمه من قبل خدمات الإنترنت البنكي أو تطبيق الموبايل البنكي.